Тие одат до таму што велат дека слатката храна е причина за серија здравствени проблеми, вклучувајќи гојазност, болести на срцето и црниот дроб, па дури и рак.

Тие шеќерот го обвинуваат за 35 милиони смртни случаи годишно ширум светот. Затоа предлагаат воведување посебен данок и посебна легислатива.

Ова истражување покажало и дека во текот на изминатите 50 години, употребата на шеќерот тројно се зголемила и дека денес во светот има повеќе дебели отколку неухранети лицаАвторите на студијата од универзитетот во Калифорнија предупредуваат дека денес гојазноста е многу поголем проблем од неухранетоста, напоменувајќи дека шеќерот не само што ги прави луѓето дебели, туку им го менува метаболизмот, им го покачува крвниот притисок, предизвикува хормонски дисбаланс и им го уништува црниот дроб. Со други зборови, прави се што прави и алкохолот.

Според нив, најдобро решение е дупло зголемување на цената на газираните пијалаци и рестрикција на нивната продажба за оние помлади од 17 или 18 години.