За боеми е Шкотска |
За боеми е Шкотска
Заљубените парови со стил се само за во Париз, двојките со волонтерски навики за југоисточна Азија а партнерите кои сакаат културно да се издигнат добро е да се упатат кон Прага. И добро е да носат доста кеш.
| « врати се назад |
Сајтот Gulfnews објави листа на предлози на дестинации за патувања на двојки, направена врз основа на карактерот на партнерите во една врска, а по повод Денот на вљубените.
За скроз романтични души - Мароко
На најромантичните им се порачува да заминат во Мароко и да се сместат во луксузниот хотелот Касбах Тамадот, кој некогаш бил тврдина. Хотелот се одликува со прекрасни градини, долги шеталишта и поглед кон планинскиот масив Атлас. 
За љубителите на природата - Костарика
Финка Роса Бланка е мало, луксузно и светски познато еко туристичко место, лоцирано на плантажа на органско кафе, од каде има прекрасен поглед на вегетацијата. Во понудата за посета на ова место може да се договори и посета на националниот парк, качување на вулкан од 1.200 метри и возење со хеликоптер. Ноќевањето за двајца во ова ремек дело не природата чини околу 250 евра.
За боемите по душа - Шкотска
Обиколувањето на симпатичните мали населени места, локалните пабови, проучувањето на дестилацијата на вискито, посетите на древните дворци и модерните фарми е она што се смета дека и дава шмек на Шкотска. Во оваа земја човек има алтернативи - урбан, или еко тип на одмор, или пак комбинација од нив.
За грижливи парови - излет низ југоисточна Азија
Многумина тврдат дека овој дел од Земјата е најпогоден за меден месец. За паровите кои сакаат активно и исполнето патување има бројни аранжмани за Кина, Камбоџа, Лаос и Тајланд. Освен со поинаквата култура и егзотика, посетителите тука имаат можност да волонтираат, при што најчесто се работи на помош на сиромашни.
За заљубените кои сакаат луксуз - Индија
Патување од Мумбаи до Делхи со луксузниот индиски воз Махараџа експрес е идеално за парови кои имаат намера (и кеш) да ја запознаат богатата историја на оваа земја да видат чудесни храмови, луксуз, како и различен животински свет.
За патници кои сакаат културно издигнување - Прага
Февруари е најдобар месец за посета на престолнината на Чешка заради бројните карневали и други интересни настани. На паровите кои освен културно да се издигнат, ќе сакаат и да бидат романтични во Прага, им се порачува да гледаат зајдисонце на Карловиот Мост или на брод по Влтава.
За паровите со стил - Париз
Туристите кои сакаат да го доживеат Париз како град со стил, треба да присуствуваат на некој настан од богатата уметничка програма, да прошетаат по монументалните мостови и квартот Монтмартр.
