На снимката, која е прва од ваков вид во светот, се гледаат мозочните активности на женскиот мозок во текот на трите фази: надоаѓањето на "бранот", експлозијата и опоравувањето од оргазмот.

За да ја направат анимацијата, истражувачите од Руџерс универзитетот во Њу Џерси, ја следеле мозочната активност на Нан Вајс, 54-годишна докторантка и психијатар, која мастурбирала лежејќи во fMRI скенер.

Преку проучувањето луѓе кои доживуваат оргазам, професорот Бери Комисарук и неговиот тим се обидуваат да откријаат кој е проблемот кај луѓето кои не можат да го достигнат сексуалниот климакс.

Видеото ја покажува промената на активноста низ 80 одделни мозочни региони, преку снимки правени на секои 2 секунди. Почетокот на активноста е обележан со темно црвена боја, развивањето со портокалова и жолта а врвот со бела боја.

"Целта на ова истражување е да покаже како оргазмот се развива од гениталната симулација и кои делови од мозокот се активираат", објаснува проф. Комисарук.

Од видеото се гледа дека активноста почнува во сензорниот кортекс (областа која реагира на допир) и се проширува во лимбичниот систем (збир од мозочни структури поврзани со емоциите и долготрајното сеќавање).

Како што надоаѓа сексуалниот климакс, активност се појавува во малиот мозок и фронталниот кортекс. Додека трае оргазмот, активноста доживува врв во хипоталамусот, кој ослободува хемикалија наречена окситоцин кој предизвикува чувство на уживање и ја стимулира матката. Во истиот момент, активиран е и нуклеус акумбенс, областа поврзана со задоволствата и наградата.

По оргазмот, активноста во сите споменати региони полека се намалува.