Психолозите од колеџот Вилијамс велат дека имаат објаснување за феноменот на грдите мажи кои често пати успеваат да заведат девојка поубава од нив.

Тие веруваат дека тоа се должи на еволуцијата, која направила мажите да го преценуваат својот изглед само за да си ја зголемат можноста за парење.

Во извештајот од студијата објавен во журналот Psychological Science, пишува дека додворувајќи им се на повеќе жени, мажите си го зголемуваат ризикот од посрамотување, но од друга страна си ја намалуваат шанса за останување сам.  

"Постојат 2 грешки кои ги прават мажите. Или мислат дека некоја е заинтересирана за нив а таа всушност не е или некоја навистина се интересира а тој тоа не го приметува. Во вториот случај штетата е голема", вели др. Карин Перилу.

Истражувачите направиле експеримент со 96 машки и 103 женски студенти, кои добиле време од 3 минути да разговараат со 5 претставници од спротивниот пол.

Пред разговорот сите ја оценувале сопствената привлечност а после дружењето го проценувале изгледот на соговорниците и нивната сексуална заинтересираност.

Резултатот покажал дека кај момците кои погрешно верувале дека се атрактивни, постоеле поголеми шанси да ја преценат заинтересираноста кај соговорникот. Тоа не бил случај со момците кои девојките ги оцениле како привлечни. 

Истражувањето открива и дека жените го потценуваат интересот кој го будат кај мажите, веројатно заради одбранбениот механизам за заштита од непосакуван сексуален интерес.