Претходни студии покажаа дека мажите во присуство на жена потешко се концентрираат (посебно ако се блондинки), а ново истражување покажува дека и само споменување на женско име може да влијае врз работата на машкиот мозок.

Научниците од холандскиот универзитет Радбод направиле тестови на стотина мажи и жени. Кога на мажите им биле задавани задачи со напомена дека преку камера ги набљудува жена, тие полошо ги извршувале задачите. Во случај кога на жените им се кажувало дека ги набљудуваат мажи, немало никакви промени при извршување на задачите.

“Само споменувањето на женско име е доволно за намалување на когнитивните способности кај припадниците на посилниот пол. На испитаниците дури и не им беше кажано дали жената која ги набљудува е атрактивна или не набљудува,“ изјавил психологот Јохан Кареманс.

Научниците немаат издржано објаснување за ваквата реакција на мажите. Постои претпоставка дека жените за да шармираат се потпираат пред се на својот изглед, додека мажите се потпираат и на карактерот и на шармот и на интелигенцијата, па затоа нивното однесување трпи такви промени.