Иако се чини дека 12-от месец од годината треба да биде и најсреќниот за паровите заради празничната атмосфера, фактите говорат дека тоа е месец кога двојките најмногу се расправаат. Во просек љубовниците креваат глас еден на друг 4 пати на ден, што значи дека ако врската им издржи до 1-ви јануари, месецот ќе го заокружат со најмалку 124 караници. Кавга може да избие и околу тоа во кои бои да се украси елката.
За 23% од учесниците во студијата декември бил толку ужасен на љубовен план, што одлучиле 2012-та да ја дочекаат како самци.
Луѓето во декември најмногу се напнати затоа што во пресрет на празниците сè се плашат дека ќе им снема пари, или дека партнерот не им помага доволно околу средување на куќата, набавки и подготовка на празнични специјалитети. Некои двојки ги измачува и помислата дека нивниот партнер ќе се поднапие на забавите и ќе почне да збори што треба и што не треба.

Капак на сè се роднините и познаниците кои само ѕвонат на врата, па човек едноставно се изморува и навечер сака само да легне да спие, а не и да биде интимен со партнерот.

Вакви заклучоци се извлекуваат од студијата на британската компанија Seddons. Според резултатите, 20% од  испитаници веќе во првата половина од месецот сериозно размислувале за разделба а едно од дваесет лица се плашат дека врската нема да им истрае до јануари. Има и такви што признаваат дека го оставиле партнерот, само за да не купуваат подарок за него.

“Ако врската и од претходно е во криза заради лоша комуникација или недостиг на време за партнерите да се разменат нежности, тоа уште повеќе доаѓа во израз во декември, месец кога луѓето се преоптоваруваат со обврски и грижи. Заради стресот пред празниците луѓето може да ги заборават сите позитивни страни на нивната љубовна врска,“ заклучува Дебора Џеф, предводник на истражувањето.

За врската да ги “преживее“ празниците, психолозите советуваат партнерите да бидат трпеливи и да планираат нешто во што само тие двајца ќе уживаат кога ќе мине празничната еуфорија.