Колку почесто глумат, толку се поуспешни во задржувањето на мажот крај себе, покажала студијата на истражувачи од Колумбија универзитетот.

Во анкетата на 453 хетеросексуални жени на возраст од 18 до 46 години кои биле во врска минимум 6 месеци, 54% признале дека некогаш лажирале оргазам. Резултатите покажале и дека испитаничките кои биле најнесигурни во верноста на партнерот, почесто лажирале оргазам.

Кај оние кои некогаш одглумиле сексуален климакс, имало поголеми шанси да почнат да се сомневаат во партнерот, за разлика од оние кои никогаш не глумеле.

Истражувачите заклучиле и дека жените развиле бројни тактики за задржување на мажот, како на пример посветување повеќе внимание на гардеробата, следење на движењето на мажот и соочување со потенцијалните ривалки.

Претходно, научниците велеа дека жените кои успеваат да доживеат оргазам, полесно го задржуваат интересот на љубовниците.