Каде се камењата од Месечината? |
Каде се камењата од Месечината?
Од две мисии на НАСА на Месечината донесени се 370 камчиња на Земјата, од кои 184 се изгубени, украдени или им се губи секаква трага. Некои се во депонија, а може да вредат милиони.
| « врати се назад |
НАСА неодамна објави дека недостасуваат половина од камењата од Месечината донесени на Земјата со истражувањата на Аполо, кои по наредба на претседателот Никсон биле дадени на подарок на 270 земји низ светот, плус на челници на државите во САД. Секое камче било поставено на дрвена подлога на која го имало знамето на земјата што го добива на подарок, од Авганистан до Тринидад и Тобаго.
“Владата на Гадафи доби два камена, но нив сега ги нема. И на Романија и недостасува каменот на добра волја од Аполо 17,“ посочил Јосиф Гутхајнц, поранешен служебник во НАСА, сега познат како ловец на камења од Месечината.
Гутхајнц смета дека таквите камења не биле соодветно заштитени и сега со нив се тргува на црно и се прават измами. Човек кој тврдел дека го има вистинскиот камен од Месечината што припаѓал на Хондурас, за каменот од Гутхајнц побарал 5 милиони долари.
Некои од камењата се загубени благодарение на револуциите и политичките транзиции. Американскиот национален архив на пример открива дека камен бил подарен на покојниот романски диктатор Николај Чаушеску, а Гутхајнц верува дека е продаден после неговото погубување.
Мистериозна сторија пак кружи околу каменот што и припаѓал на Ирска. Се верува дека тој завршил на ѓубриште, откако бил фрлен со урнатините од опожарена опсерваторија во Даблин.
“Каменот се уште е под купишта ѓубре во депонија во Даблин, а може да вреди повеќе од 5 милиони долари,“ изјавил ловецот на камења.
Досега Гутхајнц им влегол во трага на 70-тина камења, вклучително и на оние што им припаѓале на Колорадо, Мисури и Западна Вирџинија. Тој признава дека не ќе може да ги најде сите камчиња (некои и дел од приватни колекции) што биле донесени од Месечината, но има неколку за кои посебно е заинтересиран.
“Навистина сакам да ги видам камењата на Малта и на Романија. Ако одам во Европа ќе го барам романскиот, и веќе имам план како да го сторам тоа,“ додал Гутхајнц.
