Наградата најдобар албум Адел ја доби за “21“, најпродаваниот албум во 21-от век, од кој досега се продадени 17 милиони копии. Но, нејзиното заблагодарување и изјавата дека е горда што е Британка, беше скратено од водителот. Подоцна организаторите и се извиниле на Адел што била прекината.

На годинашното, 32-ро доделување на наградите за најдобар машки изведувач беше прогласен Ед Ширан, Coldplay е избрана за најдобра група, а меѓу сингловите триумфираше "What Makes You Beautiful" на британско-ирската група One Direction.

Ријана беше прогласена за најдобра интернационална изведувачка, во машка категорија наградата ја доби Бруно Марс, а од групите Foo Fighters.

Церемонијата се одржа во 02 Арена во Лондон, а на неа присуствуваа бројни звучни музички имиња. По завршувањето на шоуто, водителот Џејмс Корден на Твитер напишал: “Беше одлична вечер. Не можам да верувам дека ми беше речено да ја прекинам прекрасната Адел.“

Листа на номинирани и победници