6 Греми за Адел |
6 Греми за Адел
Британската соул пејачка Адел победи во сите 6 категории во кои беше номинирана, вклучувајќи ги и најзначајните за албум, сингл и песна на годината. 54-то доделување на наградите Греми ѝ беше посветено на Витни Хјустон.
| « врати се назад |
Освен за албумот "21" и за песната "Rolling in the Deep", чиј спот исто така беше награден, Адел сосема очекувано освои грамофон и за мега хитот "Someone like you", кој триумфираше во категоријата најдобра поп соло изведба. Продуцентот на "21" беше прогласен за продуцент на годината.
Вечерта Адел го имаше својот прв настап во живо по операцијата на гласниците жици, која и беше извршена кон крајот на 2011-та година. Таа ја испеа победничката песна "Rolling in The Deep".
Други големи победници на годинашното доделување на Греми се Foo Fighters, кои собраа 5 награди, вклучувајќи ги тие за најдобар рок албум за "Wasting Light", најдобра рок изведба за хитот "Walk" и најдобра хард рок/метал изведба за "White Limo".
Раперот Канје Вест замина со 4 награди, меѓу кои и за рап албум на годината за "My Beautiful Dark Twisted Fantasy", но и за најдобра рап изведба за песната "Оtis" снимена заедно со Џеј Зи.
54-то доделување на Греми и беше посветено на поп дивата Витни Хјустон, која почина само 1 ден пред церемонијата на 48 години од животот. Во нејзина чест, Џенифер Хадсон го испеа нејзиниот бесмртен хит "I Will Always Love You".
На свеченоста признание и беше оддадено и на Ејми Вајнхаус, која беше постхумно наградена со Греми за дуетот со Тони Бенет, "Body and Soul". Наградата ја примија нејзините родители.
Победници во поважните категории:
СИНГЛ НА ГОДИНАТА
"Rolling In The Deep", Adele
АЛБУМ НА ГОДИНАТА
"21", Adele
ПЕСНА НА ГОДИНАТА
"Rolling In The Deep", Adele
НАЈДОБАР ДЕБИТАНТ
Bon Iver
НАЈДОБРА ПОП СОЛО ИЗВЕДБА
"Someone Like You", Adele
НАЈДОБРА ИЗВЕДБА НА ПОП ДУЕТ ИЛИ ГРУПА
"Body And Soul", Tony Bennett & Amy Winehouse
ПОП ИНСТРУМЕНТАЛЕН АЛБУМ НА ГОДИНАТА
"The Road From Memphis", Booker T. Jones
ПОП АЛБУМ НА ГОДИНАТА
"21", Adele
ДЕНС СИНГЛ НА ГОДИНАТА
"Scary Monsters And Nice Sprites", Skrillex
НАЈДОБРА РОК ИЗВЕДБА
"Walk", Foo Fighters
НАЈДОБРА ХАРД-РОК/МЕТАЛ ИЗВЕДБА
"White Limo", Foo Fighters
РОК ПЕСНА НА ГОДИНАТА
"Walk", Foo Fighters
РОК АЛБУМ НА ГОДИНАТА
"Wasting Light", Foo Fighters
R&B АЛБУМ НА ГОДИНАТА
"F.A.M.E.", Chris Brown
НАЈДОБРА РАП ИЗВЕДНА
"Otis", Kanye West & Jay-Z
РАП ПЕСНА НА ГОДИНАТА
"All of The Lights", Kanye West
РАП АЛБУМ НА ГОДИНАТА
"My Beautiful Dark Twisted Fantasy", Kanye West
