Судот во градот Хуижу ја забрани продажбата на таблетот, одлучувајќи дека продажбата на уредот во локалните продавници е прекршување на авторските права на Провју, кој по оваа основа поднесе тужба против Епл уште во 2010-та.

Провју тврди дека тие го имаат регистрирано „iPad“ како заштитен знак во Кина и по таа основа бараат да се прекине увозот на таблетот во Кина или Епл да им исплати отштета од 2 милијарди долари.

Пред судската одлука, во јавноста се појавија мејлови од директна комуникација меѓу правната служба на Провју и Епл, во кои во кои се гледа дека во 2010-та Кинезите ги продале правата за „iPad“ на Епл за 35.000 долари.

Сето ова се поклопи и со неодамнешното повлекување на таблетот од повеќе продавници и интернет сајтови во Кина, кое беше резултат на барањето на Епл да се прекине продажбата на нивните производи во неовластени продавници.

Оваа недела и судот во Шангај треба да решава по барањето на Провју за забрана на продажба на таблетот и во овој град.