Јапонскиот гигант за електроника објаснува дека бизнис сметките им се поматиле заради влошување на условите на пазарот во развиените земји, силниот јен и последиците од поплавите во Тајланд.

Одделите при Сони одговорни за Плејстејшн, забележале загуба од 1.09 милијарди долари за периодот октомври - декември 2011-та, при што и трошоците за маркетинг биле над очекуваното. Компанијата во посочениот период продала 6,5 милиони Плејстејшн 3-ки, заокружувајќи ја финансиската година со продажба на вкупно 12 милиони парчиња.

Во обид се врати во колосек, Сони објави дека го менува генералниот директор, па сега на местото на Велшанецот Хауард Стрингер доаѓа Јапонецот Кацуои Хираи, кој најави фокусирање кон дигиталната фотографија, смартфоните и игриците. Стрингер од функцијата официјално заминува на 1-ви април.

Прогнозите од Сони велат дека нивите нето загуби заклучно со март годинава, ќе бидат поголеми од очекуваното, или дополнителни 1,2 милијарди долари.