Обединетите Нации предвидуваат дека до 2016-та година бројот на глобалното население ќе се зголеми на 7,3 милијарди луѓе. Според Циско Системс, до тогаш на Земјата ќе има преку 10 милијарди уреди кои ќе произведуваат сообраќај на мобилни податоци од 10,8 ексабајти месечно.

Тоа значи, 130 ексабајти годишно што е еквивалентно на 33 милијарди ДВД-а или 813 квадрилион СМС пораки.

Според најновото истражување на компанијата, помеѓу 2011-та и 2016-та година количината на промет на мобилни податоци ќе расте со стапка од 78% годишно.

Се очекува сериозен порaст да доживеат конекциите од-машина-на-машина (M2M), кои до 2016-та би можеле да ја достигнат цифрата од 2 милијарди. М2М конекции вклучуваат GPS системи во автомобилите, системите за следење во бродовите и мерачите на потрошувачка на енергија.

Мобилните податоци, посебно оние во видео форма, веќе ги оптоваруваат безжичните мрежи и иако провајдерите овие услуги ги префрлаат на терет на мобилниот сообраќај на системите на фиксната телефонија, безжичната индустрија упорно апелира дека и се неопходни дополнителни спектри за задоволување на побарувачката.