Минатиот месец полицијата од сибирскиот град Бернау подигна степен на борбена готовност, откако во снегот биле забележани десетина играчки, од лего фигури до кадифени животни, на кои имало закачени транспарентни со пораки од типот: "Јас сум за чисти избори" и "Крадецот треба да оди во затвор, а не во Кремљ".

Тогаш протестот бил прогласен за "неуставен јавен настан", а сега петицијата за нова демонстрација била забранета под уренебесно смешен изговор дека играчките немаат руско државјанство.

"Како што сфаќате, играчките, посебно оние увезените, не само што не се граѓани на Русија, туку не се ни луѓе", рекол мртов сериозен Андреј Лјапунов, портпарол на тамошната полиција.

Откако "демонстрантите" на првиот собир биле снимени и сликани, било побарано од јавниот обвинител да ја испита легалноста на нивниот протест. Од тогаш бројот на луѓе и играчки нагло пораснал, најмногу заради апсурдната реакција на властите.

Но, властите немаат намера да попуштат и напоменуваат дека ниту играчки, ноти знамиња, чинии или машини за перење не можат да учествуваат во некој собир.

Упорност има и од другата страна, која планира индивидуални протести. 

"Ќе поставиме една играчка, а останатите ќе седат на клупи во близина", вели активистот, Сергеј Андреев.