Пристапот до именикот се активира кога корисникот кликнува на опцијата „пронајди пријател“ на апликацијата за смартфоните.

Двајца американски конгресмени побараа од Епл да објасни зошто на своите смартфони дозволува пракса која е спротивна на правилникот за програмирање апликации.

Твитер соопшти дека ќе внесе измени во политиката за приватност, за да ја разјасни ситуацијата.

„Сакаме да бидеме јасни и транспарентни во нашата комуникација со корисниците. Во следните апликации кои ќе пристигнат наскоро, ќе го промениме јазикот поврзан со опцијата ‘пронајди пријател’ за да бидеме појасни“, изјави Каролин Пенер, портпаролката на Твитер.

Податоци од имениците на корисниците собираат и Фејсбук и другите социјални мрежи, со образложение дека ги користат само за идентификација на пријатели кои користат исти услуги, и сметаат дека корисниците се известени за тоа.

И покрај ваквите тврдења, понекогаш се случува податоците да се земаат без знаење на корисникот и без известување колку долго ќе се чуваат на серверите.

Лос Анџелес Тајмс пишува дека апликациите за смартфон ги копираат имениците и ги чуваат 18 месеци.