Корисниците на Твитер признаваат дека најмногу ги нервираат твитови со премногу хаштагови, со извештаи за тоа каде и со кого е корисникот и пораки во кои некој се жали и кука заради нешто.

Истражувачите од универзитетот Карнеги Мелон од Питсбург и технолошките институти во Џорџија и Масачусетс, побарале од 1.500 корисници на Твитер да оценат 43.738 твитови објавени од 21.000 луѓе.

Само 36% од пораките биле оценети како вредни за читање, 25% како твитови кои не вредаат ни да се погледнат а сите останати биле оценети како индиферентни. Со други зборови, огромно мнозинство на твитерџии само џабе  го трошат своето и времето на другите.

Најмногу критики добиле твитовите објавени како разговор помеѓу двајца корисници, јавните изразувања чувства и смарањето со моменталната активност.

Авторите на студијата ги изненадил фактот што на испитаниците им се допаѓале себе-промотивните твитови, кои се честа пракса за познатите луѓе.