Во извештаите на големите компании, март претствува крај на првиот квартал во годината, а намалениот профит во тој месец би ги удрил фирмите таму каде што најмногу ги боли, по профитот.

„Немојте да купите ниту едно ЦД, не превземајте ниту една песна, легално или илегално. Немојте да изгледате ниту еден филм во кино, а заборавете и на неговата копија. Не купувајте ДВД-а, игрици, книги или магазини по дуќаните”, објавиле Аноноимуси во свое видео.

Тие препорачуваат воздржување се до април, бидејќи 4-неделниот бојкот ќе остави длабока дупка во профитот на медиумите и филмските компании, кои заработуваат на сметка на авторската содржина.

„Економскиот удар ќе го почувствуваат владите ширум светот”, порачуваат озлогласените хакери.

Протестот повторно е насочен против контроверзниот договор ACTA, кој начелно се бори против пиратеријата, но претставува голема закана за елементарните слободи на интернет корисниците.

Хрватскиот портал Index.hr, го објави во целост овој договор преведен на хрватски јазик. Клик овде