На 29 февруари Пиратскиот залив ќе направи промена што на прв поглед изгледа шокантно: сите торенти хостирани директно од сајтот што ги споделиле повеќе од 10 корисници ќе бидат избришани.

Ваквата промена сепак не е толку опасна како што изгледа и суштински не го менува моделот на сајтот.

Пиратскиот залив ќе продолжи да хостира од т.н. магнетни линкови, што според администраторите на сајтот е „чекор напред во технологијата“.

Сите торенти од Пиратскиот залив сега се достапни како фајл од 90 мега, кој може лесно да се искористи за поставување на нов торент сајт. По новата шема, корисниците ќе можат да хостираат бесплатни прокси сервери за Пиратскиот залив, и со тоа ќе се избегнат сите обиди за гасење на страната, блокирање на фајрвол или рестрикции од провајдерите.

Во суштина, ќе биде невозможно РИАА или МПАА да гонат луѓе за споделување фајлови и новата технологија ќе ги принуди овие организации да престанат со традиционалните репресивни мерки.