Во малата општина Лог-Драгомер веќе со месеци се забранети прегласните звуци на животните, вклучувајќи го лаењето и кукурикањето на петлите.

Словенечкиот Уставен суд одбил да пресуди дали кучињата смеат да лаат од 22.00 до 6.00 часот или тоа сепак е врева која го нарушува јавниот ред и мир.

Казната за овој прекршок е далеку повисока од најниската законски предвидена глоба, која изнесува 40 евра, а со која се казнува просењето.

Опонентите на законот напоменуваат дека лаењето, кукурикањето и другите животински звуци не можат да подлежат на законот за јавен ред и мир, бидејќи таму е наведена само вревата од технолошките уреди (радија, телевизори, инструменти).

Уставниот суд донел соломонско решение, според кое единствени кои имаат правен интерес за решавање на проблемот, се жителите на општината, а не судот.