Според одлуките на Одделот за труд и пензии, лицата кои побаруваат какви било државни бенефиции а поседуваат накит, повеќе од 100 грама злато, порцелански или кристални предмети, вредни слики и слично, ќе бидат одбиени, објавува Дејли Меил.

Сепак, останува на луѓето да признаат или не дали имаат нешто од наведеното, или евентуално да се види на лице место при пополнување на формуларот за бенефиции. Во спротивно, властите ќе мора да им веруваат на збор на граѓаните.

Наводно најмногу одбиени за бенефиции имало меѓу Ромите, кои се појавувале во институциите со златен накит. Групите за заштита на Ромите се побуниле дека законот е дискриминирачки, објансувајќи дека златниот накит кај нив се предавал со генерации и бил културен симбол што не требал да се крие.