плејлисти на славните |
тамбови |
Бранислав Николов (ФОЛТИН) - Мојата road music листа
„Најактивно слушам дури патувам. Така, оваа листа ја составив од она што деновиве го имам во телефонот, од она што би можел да го наречам интимен ROAD MUSIC. Нормално, користам слушалки”, ни нагласи Бранко, пејачот на Фолтин.
Игор Анѓелков - Што слушам додека пишувам
Игор Анѓелков го препознавате по филмскиот магазин „Филмополис”, но и како дел од издавачката куќа Или-Или, за која лани го издаде својот прв роман „Крај-пат”. Во отсуство на ангажман во некое домашно радио, неговата прва медиумска љубов, откако претходно по шест години го слушавте на 103-ка и Радио Равел, ова е музичкиот избор со кој Игор бил окупиран додека ја пишувал книгата, во кој еден од носечките ликови е музичар.
Владимир Поп Христов - Од Златно Славејче, преку U2, до Грејс Џонс
Голем дел од секојдневната плејлиста на Мио од ДНО, зависи од неговата ќерка Хана, а кога не е принуден да слуша Златно Славејче (а богами и најавни шпици од вести), тој се ежи на U2, се воодушевува на „Tonight” од Тина Тарнер и Дејвид Боуви и ја фали Грејс Џонс.
Горан Васовиќ (Ева Браун) - Мојот моментален избор
Овој пат малку подрануваме со плејлистата, ама имаме одличен повод - концертот на српскиот бенд Ева Браун во скопскиот клуб Хавана. Ексклузивно за Он.нет (thanks to Password продукција), пејачот Васке ни состави кратка, ама квалитетна листа.
Groove Relation (Антонио и Јулијана) - Љубов и музика!
Ни побаравте топ 10. Многу малку и многу зезнато да одбереме. Па ние не можеме ни топ 50 да направиме, а да кажеме дека ТИЕ се тие баш. Сакаме фанк. Сакаме соул. Сакаме џез. Сакаме хаус. Сакаме даунбит. Сакаме апбит. Сакаме музика. И како да се одлучиме за само 10? Да напоменеме, ова се САМО мал дел, или „милиделче“ од она што нам би ни било најдобро.
Марија Каева - споменарот на ушлата
На твои години имав две деца и пеглав со саати. Пих. Мене никој не ме сака за сопруга, јас сум ушла и навечер ме боли глава. Слушам музика, пуштам музика, опседната сум и зборувам за неа на радио веќе 10 години. Еве и сега имам еден куп за преслушување, и уште стопати по толку забележана во мојот сега дигитален споменар.
Рубенс Муратовски - прогресив рокот е мој омилен правец
Кога не е на сцена, Рубенс Муратовски живее музика, дише музика и јаде музика. Затоа неговата плеј листа не е само една рандом составена џубокс компилација. Ова е она што го фасцинира и крева во друга димензија.
Мирко Попов - Звукот на моментот во мојата глава
Музиката ја обликува реалноста во мојата глава. Реалноста се привикнува на музиката (моја или нечива) која ми доаѓа, а самата музика ја асимилирам и трансформирам во дел од моето движење. Во постојана сум потрага, се ширам во сите правци, но во исто време се фокусирам на највозбудливите звуци на моментот, без разлика од кое време доаѓаат. Оваа плеј листа е звукот на овој момент во мојата глава.
Bei The Fish - Од dEUS до Рамбо Амадеус
За Вале, „Stuck In The Middle With You” е синоним за пролет, Огнен бунтовништвото го почнал со The Doors, Ненад не може да престане да им се радува на Mouse on Mars, а Владимир цели 13 години му е верен на мега царот Рамбо. На повеќе заедничката плејлиста на Bei the Fish.
Петар Младеновски - Ramones, Manu Chao, Wickeda...
...Foo Fighters, Morphine, Kings of Leon, Skindred, The Specials, The Clash и The Pixies. Тоа се 10-те бендови чии песни Пеце Суперхик ги издвои како своја обавезна музичка лектира, а ваша нова плејлиста. Плеј енд инџој!
Кирчо Арсовски - мојата моментална инспирација
По плејлистите на Лени Кравиц, Давид Гета, Лу Рид и Тарстон Мур се префрламе на музикофилите од нашата почва. Наш прв избор е Трачер Кирчо, кој ни ја прати листата со една напомена: „Имам можеби уште илјада најомилени песни, овој избор е направен во миг на инспирација и нормално нема крај”. Ајде на повеќе да чуете што (и зошто) слуша Кирчо. БОНУС: Новиот спот на ТБ Трачери, „Tracer Uber Alles”.
Џим Џејмс: моите омилени песни од The Band
The Band силно влијаеја врз My Morning Jacket, вели фронтменот Џејмс. „Секогаш се огледувавме на нив. Ретко се наоѓа група што ги следи своите импулси и не ѝ е гајле за моменталните трендови. Тоа навистина ми значи.“
Том Пети: моите омилени песни од Елвис Присли
Кога Том Пети имал 10 години, вујко му работел на снимањето на филмот на Елвис Присли, Follow That Dream, и Пети наминал. „Пристигна со група бели Кадилаци“, вели Пети. „Луѓето врескаа, подавајќи преку оградата плочи да им ги потпише. Се сеќавам дека косата му беше толку црна што сонцето се одбиваше од неа. Од само еден обичен поздрав со него кожата ќе ти се наежеше. Бев возбуден со недели. Се заразив и се обидував да ја најдам секоја негова плоча, и навистина ги преслушував. Елвис стана саундтракот на моите млади години.“
Тарстон Мур: панк
Тарстон Мур од Sonic Youth сака панк уште откако ги слушнал Ричард Хел, Пети Смит и Television како тинејџер. Неговата листа ги истакнува суровите почетоци на жанрот и оние музичари што ги преминале границите.
Лу Рид: супер текстови и џубокс хитови
Рид ги опишува овие 10 песни како кремот на неговиот „ментален џубокс“, од песните што ги сакал кога растел па сè до оние што ги открил подоцна. Сите песни ја одразуваат естетиката што ја претпочиташе прво со Велвет Андерграунд, а потоа и како соло артист. „Една од убавите работи во врска со рок музиката e што нема зафрканции,“ вели тој. „Сакав да створам чувство на блискост, како Вилијам Бароуз. Тоа е барање неволја: кој би можел да го победи Вујко Бил? Но, сепак има начин да се победи: во рок песна.“
Џон Меленкaмп: протестни песни
„Политичките песни се песни од народот“, вели Меленкамп. „Мислам дека Џеферсон рече дека ако народот сериозно не ја преиспитува демократијата на секои 20 години, таа повеќе не функционира. Затоа постојат протестните песни“
Давид Гета: класики од подиумот
„Во денс музиката има два елементи што се речиси спротивни“, вели диџејот, продуцент и ѕвезда Давид Гета, на чие ново LP Nothing But the Beat учествуваат сите - од Лил Вејн до Ники Минај. „Потребно е хипнотичко чувство, што се создава со повторување. Но емоцијата доаѓа од развивањето на акордите и мелодиите. Песната ќе стане класика ако ги има тие два елементи во исто време.“
Лени Кравиц: моите омилени песни од Џон Ленон
Кога го снимаше својот дебитантски албум, Let Love Rule, на Лени Кравиц му беше кажано дека звучи како Plastic Ono Band - ЛП што Кравиц сè уште го немаше слушнато. „Го преслушав и откачив“, вели Кравиц, кој брзо се навлече на творештвото на Ленон од периодот после Битлси. „Она што ме допре беше бруталната искреност. Снимките беа сурови и соголени. Беа толку вистински.“
Демиен Марли: моите омилени песни од Боб Марли
„Гласот на татко ми охрабруваше многу луѓе во времето кога беа очајни,“ вели најмладиот син на реге-џинот. „Умре кога бев многу мал, па за мене неговата музика беше начин да го запознаам подобро“
Вејн Којн: моите омилени песни од Пинк Флојд
Вејн Којн ја сака речиси секоја фаза на Пинк Флојд. „Едноставно, тоа е супер приказна на креативни умови што немаа страв“, вели фронтменот на Флејминг Липс. „За бендовите е голема работа воопшто да имаат прва, а можеби и втора фаза, но Пинк Флојд имаа и трета и четврта фаза. Ги имаа оние непредвидливи елементи што ги направија толку хуманистички.“
