Срспкиот тенисер Новак Ѓоковиќ ја одбрани титулата на Отвореното првенство на Австралија, откако во антологиски меч во Мелбрун го победи Шпанецот Рафаел Надал со 3:2 во сетови - 5:7, 6:4, 6:2, 6:7, 7:5.

По израмнета борба во првите два сетови, Ѓоковиќ целосно доминираше во третиот и го доби со 6:2 за 45 минути. Ѓоковиќ беше блиску до победа во четвртиот сет, но Надал успеа да се врати во игра и израмни на 4:4 во гемови. Следеше пауза заради дожд, по што Надал по тај-брејк го освои сетот и израмни на 2:2.

Во петтиот сет Надал имаше предност од 4:2, но Ѓоковиќ израмни на 4:4, потоа следуваше и 5:5, за во 11-от сет да направи брејк и ја доби антологиската борба.

Натпреварот кој траеше пет часови и 53 минути е најдолгиот финален меч на еден гренд слем турнир во историјата на професионалниот тенис.

Ова е трета гренд слем титула за Ѓоковиќ во Мелбурн, а вкупно петта во кариерата, а пак Надал стана првиот тенисер кој загубил на три финалиња на гренд слем турнирите последователно и тоа сите три пати од Ѓоковиќ.