Првиот светски рекет почна одлично и го доби првиот сет со 6:3. Во ист стил го започна и вториот сет, но потоа имаше големи проблеми со првиот сервис што го искористи Мареј и врати со иста мерка (6:3).

Третиот сет по голема и исцрпувачка битка стигна до тајбрејк во кој поуспешен беше Мареј и поведе со 2:1 во сетови.

Следеше фуриозна игра на Ѓоковиќ, кој за 25 минути го доби четвртиот сет со 6:1 и изедначи на 2:2 во сетови.

Во петтиот сет следеше борба до последниот атом, Ѓоковиќ направи брејк, а потоа поведе со 5:2. Кога се чинеше дека работата е готова, Мареј освои три гема по ред изедначи на 5:5 и имаше три шанси за да стигне до позиција да сервира за финале, но Ноле се извлече.

Ѓоковиќ поведе со 6:5, а потоа со брејк го заврши мечот и во финалето во недела ќе ја брани титулата против Надал.