Федерер полесно од очекувањата за помалку од два часа игра славеше во својот 1.000 меч во кариерата.

Швајцарецот искористи пет од осум брејк топки, додека спаси пет од шесте брејк можности на Дел Потро. Федерер имаше повеќе "винери" (38:20), помалку неизнудени грешки (22:27) и стигна до осмата победа во десетте меѓусебни дуели.

Во Мелбурн, Федерер стигна до полуфиналето и во деветата година по ред, а го подобри својот скор во кариерата на 814 победи и 186 порази.

Во полуфиналето Федерер ќе игра со победникот од дуелот меѓу Рафаел Надал и Томаш Бердих.