Азаренка ја освои Австралија |
Азаренка ја освои Австралија
Викторија Азаренка од Белорусија е новата кралица на женскиот тенис. Таа во финалето на Австралија опен ја победи Марија Шарапова и го освои својот прв гренд слем трофеј кој и го донесе и првото место на ВТА листата.
| « врати се назад |
Третата носителка на првиот гренд слем турнир за 2012, Белорусинката Викторија Азаренка е победничка на Австралија опен. Таа во финалето во Мелбурн ја победи шампионката од 2008-та година Марија Шарапова од Русија со 6:3, 6:0.
Натпреварот кој траеше еден час и 22 минути помина во доминација од страна на Азаренка која и дозволи на својата противничка да освои само три гема.
Со овој триумф Азаренка се искачи и на врвот на ВТА листата и стана само третата тенисерка по Мартина Навратилова и Ана Ивановиќ која се искачила на врвот на светската листа по само еден освоен гренс слем трофеј.
