Белорусинката Викторија Азаренка ќе го игра своето прво Гренд Слем финале, откако ја совлада бранителката на титулата Белгијката Ким Клијстерс со 6:4, 1:6, 6:3.

По силниот старт и одличната игра со која го освои првиот сет, во вториот Азаренка излезе од ритам, почна лошо да сервира што го искористи Клијстерс за да го добие со 6:1.

Азаренка не дозволи да и се случи истото и во решавачкиот сет направи два брејка и го доби со 6:3 за голем триумф.

Во второто полуфинале Марија Шарапова во три сета ја совлада Петра Квитова со 6:2, 3:6, 6:4.

На чешката тенисерка за утеха и остана првото место на ВТА листа на кое ќе се најде од понеделник.

За Шарапова ова е трето финале во Мелбурн, во 2007. изгуби, а во 2008. година го освои трофејот.