Лут бидејќи Хеј го привлекува целото внимание, Чисора иронично го праша својот сонародник: "Како ти е палецот?", јасно алудирајќи на алибито на Хеј по поразот против Владимир Кличко во мечот за титулата во јули минатата година.

Вербалното препукување продолжи, а потоа Чисора со микрофон во раката тргна кон Хеј, кој стоеше меѓу новинарите и фоторепортерите, па дојде до физичка пресметка.

Хеј замавна кон Чисора држејќи шише во рацете, но го промаши, а најлошо мина неговиот тренер Адам Бут, кој заработи исекотина на чело.

"Ти се колнам дека ќе те застрелам Дејвид Хеј, ме исече со шише", беснееше Чисора.

Владимир Кличко од страна иронично се смееше за време на тепачката меѓу двајцата британски боксери, а подоцна за БиБиСи изјави:

"Целосно сум разочаран. Ова отиде предалеку. Боксерскиот спорт не би требало да биде ваков".

Англиските медиуми пишуваат дека Дисциплинскиот комитет на Британскиот боксерски сојуз остро ќе ги казни и Чисора и Хеј, а казната би се движела од парична до одземање на босерската лиценца.