Дисциплинската комисија на ЕХФ во состав Моше Херман (Израел), Хенк Ленартс (Холандија) и Виктор Конопљастиј (Украина) одлучи да го суспендира Миркуловски на еден натпревар, откако тој заработи црвен картон на дуелот против Копер.

Тоа е огромен хендикеп за составот на Лино Червар, бидејќи двобојот со полскиот тим ќе решава за втората позиција во групата Ц.

Миркуловски е движечка сила во македонскиот тим и до сега на 8 натпревари постигна 25 гола во ЛШ. Тимот од Автокоманда моментно е на делба на втората позиција во групата заедно со Копер со по 10 бода, додека Висла е четвртта со 7 бода.

Металург на 19. февруари (недела) со почеток од 17:30 часот гостува на Висла Плоцк.