Со осумте постигнати голови на натпреварот против Словенија, капитенот на македонската репрезентација Кирил Лазаров не само што и помогна на Македонија да дојде до петтото место на Европското првенство и да обезбеди пласман на квалификациите за Олимписките игри, туку тој стана и најдобар стрелец во историјата на Европските првенства.

Лазаров ова Европско првенство во Србија го завршува со 61 гол со што го сруши рекордот на Олафур Стефансон кој на првенството во 2002-та година постигна 58 голови.

Кирил Лазаров ќе биде запишан во ракометната историја како прв играч кој ги поседува рекордите за најдобар стрелец на Европско и Светско Првенство. На Светското првенство во 2009-та година Лазаров постигна 92 голови на десет натпревари.