По израмнетиот старт на натпреварот и 3:3 по првите десет минути, Шпанија направи серија со четири голови и на средина од првото полувреме имаше водство од 3:7.

Но тогаш на сцена стапија данските ракометари кои до крајот на првото полувреме направија пресврт и на паузата заминаа со предност од 12:10.

Данците подобро го започнаа второто полувреме и направија предност од 16:12, но Шпанците се вратија во игра и во 49-та минута израмнија на 19:19.

Израмнетата игра продолжи до самиот крај, а на две и пол минути до крајот резултатот гласеше 23:23. Но тогаш на сцена стапи Хансен кој со два голови и го обезбеди пласманот на Данска во финалето на Европското првенство.

Најефикасен кај Данска беше Лауге Шмит со шест голови, а кај Шпанците се истакнаа Агуинагалде со пет погодоци и голманот Сиера со 14 одбрани.