Буеми отпадна од тимот на Торо Росо, откако минатата сезона ја заврши на 15. место со 15 освоени бода.

Буеми ќе биде поддршка на шампионот Себастијан Фетел и Австралиецот Марк Вебер, кој лани беше трет во генералниот пласман.

"Одлично е што ќе добијам шанса во тимот кој лани ја освои титулата во Ф1. Секако повеќе би сакал да возам, но ова е втората најдобра работа која можеше да ми се случи, а тоа е работа на развојот на болидот на Ред Бул", изјави Буеми.

"Беше многу логично Себастијан да продолжи со Ред Бул затоа што од 2004. година е дел од нашиот јуниорски тим. Добро го познава нашиот тим, а во последните три години стекна значајно тркачко искуство. За нас ќе ги работи важните тестови и симулации и ќе не следи на секоја трка", изјави шефот на тимот Кристијан Хорнер.