Тоа значи дека во Формула 1 за прв пат од 1970. година нема да има ниту еден италијански возач.

Новиот член на Катерам, Петров кон крајот на минатата година доби отказ од екипата на Рено.

"Сакам да им се заблагодарам на Катерам што ми дадоа можност да се приклучам кон тимот кој во иднина ќе прерасне во сериозна сила. Цела сезона напорно тренирав и подготвен сум да се вратам на работа. Од она што успеав да го видам нашиот нов болид е чекор понапред во однос на 2011. година и со нетрпение чекам да го пробам на тестирањето во Барселона", изјави Петров.

Тимот на Катерам во претходните две сезони го носеше името Тим Лотус, а се уште нема освоено ниту еден бод во "најбрзиот циркус во светот".

Покрај Петров, за тимот од Малезија оваа сезона ќе вози и Финецот Хеики Ковалаинен.

Новата сезона во Формула 1 започнува на 18. март со трката за Голема награда на Австралија во Мелбурн.