Тимскиот шеф Стефано Доминикали најави дека болидот ќе биде претставен на 3. февруари во седиштето на Ферари во Маранело, а потоа доколку условите дозволат ќе се извозат неколку круга на патеката во Фиорано.

Ферари во минатата сезона заврши на разочарувачкото трето место во генералниот пласман на конструктори, а единствената победа во сезоната ја забележа Фернандо Алонсо во јули за Големата награда на Велика Британија.

Поранешниот двоен шампион сезоната ја заврши на четврто место, а неговиот клупски колега Фелипе Маса беше шести.

Првите тест возења на болидот се закажани за 6. февруари на патеката Херез во Шпанија, а сезоната стартува на 18. март кога ќе се вози Големата награда на Австралија во Мелбурн парк.