Пред почетокот на вторите предсезонски тестирања во Каталонија, екипата на Мерцедес го претставија болидот за новата сезона. Болидот беше презентиран од возачите Михаел Шумахер и Нико Розберг.

Болидот W03 нема радикални промени, а единствено позабележителни се промените на предниот дел.

„По сите овие години и тестирања на нови болиди, морам да кажам дека ова е посебно чувство. Имаме добар болид и едвај чекам да почне новата сезона“, изјави Шумахер.

Мерцедес минатата сезона заврши на четвртата позиција во конкуренција на конструктори, зад Ред Бул, Мекларен и Ферари. Новата сезона почнува на 18 март со трката во Австралија.