Тренерот на Сан Антонио реши да ги одмори Тим Данкан и Тони Паркет, а тоа и тоа како влијаеше на играта. Водството на Портланд достигна до 48 поени, а на крајот со победата од 137:97 ја прекинаа победничката серија на Сан Антонио која траеше цели 11 натпревари.

Ламаркус Олдриџ со 21 поен беше најефикасен во победничкиот тим, а уште пет други кошаркари постигнаа повеќе од 15 поени. Леонард со 24 поени и 10 скокови беше најдобар во редовите на Сан Антонио.

Двејн Вејд оствари 30 поени и 10 асистенции и беше најзаслужен за седмата победа во серија за Мајами, односно нанесувањето на шестиот пораз по ред на Сакраменто.

Портланд - Сан Антонио 137:97
Мајами - Сакраменто 120:108
Мемфис - Филаделфија 89:76
Кливленд - Детроит 101:100
Индијана - Њу Орлеанс 117:108 пр.