Ништо не навестуваше дека составот на Марјан Лазовски ќе биде убедливо поразен, бидејќи во првото полувреме Работнички постојано ја имаше контролата врз играта и резултатот и првиот период го доби со 26:22.

Во втората четвртина домашните кошаркари одиграа фуриозно и имаа двоцифрена предност (46:36), а на полувреме заминаа со 46:38.

Огромен пад во играта на Работнички во второто полувреме, што на најдобар начин го искористи МЗТ, кој ја доби третата четвртина со 29:12, а под обрачите доминираше репрезентативното дуо Чековски и Гечевски, додека од игра Мијајловиќ го полнеше кошот на домаќините.

И во последниот период (21:11),  МЗТ доминираше за убедлива победа во првото коло од Суперлигата.

Игор Мијајловиќ уфрли 23 поени, Ѓорѓи Чековски беше стрелец на 19, а Тоше Гечевски имаше учинок од 14 поени и 11 скока.

Во редовите на Работнички, Немања Јелесијевиќ оствари 20 поени и 10 скока.