Шоуто на Џереми Лин продолжува. Тој постигна само 10 поени, но оствари рекордни во неговата кариера 13 асистенции и им помогна на Њујорк Никс да ја забележат и седмата победа во серија. Њујорк на домашен терен славеше со 100:85 над Сакраменто Кингс, а најефикасни беа Филдс со 15 поени и 10 скокови кај домаќините и Еванс со 19 поени за Кингс.

На првите пет натпревари кои Лин ги одигра во првата петорка за Њујорк, тој постигна вкупно 136 поени што претставува нов рекорд во НБА од спојувањето со АБА лигата во 1976-та година.

Линоманијата ги руши и финансиските рекорди. Њујорк Никс соопштија дека продажбата на неговиот дрес за само неколку денови се зголемила за 3.000%.

Тони Паркер одигра одличен натпревар за Сан Антонио Спарс при победата со 106:113 над Торонто Рапторс. Тој реализираше 34 поени и 14 асистенции и на својот тим му ја донесе деветтата победа по ред. Најефикасен кај домаќините беше Дерозан со 29 поени, а Калдерон имаше учинок од 16 поени и 11 скокови.

Торонто – Сан Антонио 106:113
Орландо – Филаделфија 103:87
Бостон – Детроит 88:98
Њу Џерси – Мемфис 100:105
Њујорк – Сакраменто 100:85
Кливленд – Индијана 98:87
Милвоки – Њу Орлеанс 89:92
Хјустон – Оклахома 96:95
Минесота – Шарлот 102:90
Далас – Денвер 102:84
Феникс – Атланта 99:101
Голден Стејт – Портланд 91:93
ЛА Клиперс – Вашингтон 102:84