Најдобриот европски кошаркар, Дирк Новицки постигна 34 поени, а на моменти Далас имаше предност од 12 поени, но работата во свои раце ја земаа Џереми Лин и Стив Новак и Њујорк на крајот славеше со 104:97.

Џереми Лин оствари 28 поени и рекордни за него 14 асистенции, Стив Новак во последната чествртина постигна четири тројки и вкупно 14 поени, а Џеј Ар Смит на својот прв натпревар реализираше 15 поени.

Кевин Дурент постигна рекордни 51 поен, Расел Вестрбук додаде 40, а Серж Ибака оствари трипл-дабл со 14 поени, 15 скокови и 11 блокади во победата на Оклахома над Деневер по продолжение со 124:118.

Најефикасни кај Денвер беа Арон Афлало со 27 и Андре Милер со 21 поен и 10 асистенции.

Кошаркарите од Мајами уште еднаш докажаа дека владеат на Флорида, совладувајќи го Орландо со 90:78. Двејн Вејд со 27 поени и Леброн Џејмс со 25 поени, 11 скокови и 8 асистенции за шестата победа во серија на Мајами Хит.

Феникс - ЛА Лејкерс 102:90
Оклахома - Денвер 124:118 пр.
Хјустон - Јута 101:85
Њу Џерси - Милвоки 85:92
Минесота - Филаделфија 92:91
Кливленд - Сакраменто 93:92
Индијана - Шарлот 108:73
Детроит - Бостон 96:81
Мајами - Орландо 90:78
Њујорк - Далас 104:97