Булс и без Роуз подобри од Селтикс |
Булс и без Роуз подобри од Селтикс
Само три натпревари беа одиграни во НБА лигата на кои Чикаго во дербито го совлада Бостон, Клиперс славеа во Портланд, а Индијана ја прекина лошата серија со победа над Њу Џерси.
| « врати се назад |
Чикаго Булс одиграа по четврти пат без Дерик Роуз, но тоа не беше пречка за нив да слават против Бостон Селтикс.
Домаќините имаа предност од 16 поени, но во последната четвртина Селтикс израмнија на 69:69. Сепак на крајот Чикаго славеше со 89:80.
Карлос Бузер и Луол Денг постигнаа по 23 поени за Чикаго, а Кевин Гарнет со 23 поени и 15 скокови беше најефикасен за Бостон.
Кошаркарите на Портланд и ЛА Клиперс не беа шутерски расположени и го одиграа најнеефикасниот за нив натпревар оваа сезона.
Домаќините имаа предност од цели 18 поени, најмногу заради неефикасноста на Крис Пол кој не постигна ниту еден поен во првите три четвртини. Но во последната четвртина Пол постигна 13 поени и Клиперс направија голем пресврт за на крајот да слават со 71:74.
Николас Батум и Џамал Крафорд постигнаа по 19 поени, а најефикасен во победничкиот табор беше Блејк Грифин со 21 поен и 14 скокови.
Дени Грејџер со 32 поени беше најзаслужен за победата на Индијана над Њу Џерси со 93:88 со што неговиот тим ја прекина лошата серија од пет порази.
Чикаго - Бостон 89:80
Портланд - ЛА Клиперс 71:74
Индијана - Њу Џерси 93:88
