Снегот повторно предизвика проблеми во Италија. Гостувањето на лидерот Јувентус кај Болоња кое требаше да се одвива во недела од 20:45 е одложено заради невремето. Според информациите од Италија, снежната покривка на теренот достигнала до 35 сантиметри.

Тоа е вториот одложен натпревар на Јувентус, откако минатиот месец не се одигра натпреварот Парма-Јувентус. Тогаш беше откажан и дуелот помеѓу Болоња и Фиорентина, па овие четири екипи сега ќе имаат по два неодиграни натпревари откако италијанската фудбалска федерација потврди дека и натпреварот Парма-Фиорентина кој требаше да се одигра во недела во 15 часот е одложен.