Натпреварот од 23-то коло од италијанската Серија А помеѓу Лацио и Чезена се одигра порано заради зафатеноста на стадионот Олимпико каде ќе се одигра рагби натпревар помеѓу Италија и Англија.

Екипата на Лацио овој натпревар го одигра без неколку повредени и суспендирани првотимци, а во првото полувреме фудбалерите на Чезена тоа добро го искористија и по првите 45 минути водеа со 0:2.

Најпрво Јакинта му асистираше на Адриан Муту во 14-та минута, а 20 минути подоцна Романецот се избори за пенал. Сигурен реализатор на ударот од белата точка беше Винченцо Јакинта, а Лацио натпреварот го продолжи со играч помалку откако црвен картон заработи Конко.

Сепак тие не се предадоа и направија целосен пресврт во рок од десет минути. Ернанес го намали водството во 53-та минута, Сенад Лулуќ израмни во 61-та, а две минути подоцна конечниот резултат го постави Либор Козак.

Лацио - Чезена 3:2
Ернанес 53, Лулиќ 61, Козак 63 - Муту 14, Јакинта 34п