Дали Роман Абрамовиќ се уште има трпение и доверба во Андре Вилаш Боаш или Лавеци и Кавани му го потпишаа отказот?

Фудбалерите на Наполи ја имаа теренската иницијатива во почетниот дел од натпреварот, но одличниот Чех успеа да ги скроти ударите на Кавани, Маџо и Хамшик.

Казната за пропуштените шанси пристигна во 27-та минута. Гостите од Лондон го открија резултатот со голот на Хуан Мата кој ја искористи катастрофалната грешка на Канаваро и биеше за 0:1.

Но радоста на Челси траеше само десет минути откако Езекил Лавеци израмни со прекрасен удар од далечина, во втората минута од судиското продолжение од првото полувреме, Наполи направи целосен пресврт. Стрелец на вториот погодок за Наполи беше Единсон Кавани и тоа со рамо.

По неискористените шанси на Челси од страна на Кејхил и Дрогба, домаќините стекнаа предност од два голови во 65-та минута. Кавани успеа да му избега на Луиз и го проигра Лавеци на кого не му беше тешко да ја затресе мрежата за конечни 3:1.

Горан Пандев доби шанса во финишот на натпреварот кога влезе во игра на местото на Хамшик во 82-та минута.

Лига на шампиони, 1/8 финале:

Баер Леверкузен - Барселона 1:3
Олимпик Лион - АПОЕЛ 1:0
Милан - Арсенал 4:0
Зенит - Бенфика 3:2

вторник:
ЦСКА Москва - Реал Мадрид 1:1
Вернблум 93 - Роналдо 28
Наполи - Челси 3:1
Лавеци 37 65, Кавани 45 - Мата 27

среда:
Марсеј - Интер
Базел - Баерн Минхен