Предлозите под кои се подразбира споредување на биометриските податоци на посетителите со базата на податоци на познатите хулигани, веќе е критикувана од страна на националното здружение на навивачи.

Но министерот за внатрешни работи на  источно-германски регион Мекленбург-Ворпормерн, Лoренц Кафиер истакна дека важечките мерки за спречување на хулиганите до сега не вродиле со плод.

"Заедно со персонализираните влезници и скенерите за лице, познатите хулигани ќе бидат надвор од стадионите", рече Кафиер.

Во земјата која има тешки искуства во врска со следење на луѓе, било кој вид на мониторинг се дочекува со сомнеж.

"Оваа идеја е срамна за демократијата и потсетува на Орвеловата 1984-та", изјави Филип Маркхард, кој е портпарол на националното здружение на навивачи.

Тој додаде дека обидот да се реши проблемот со следење, а не со соочување на суштината на проблемот е надвор од реалноста и драстичен напад на граѓанската слобода на поединецот.

Фацијално или препознавање на лице веќе е воведено во некои земји како што се Полска и Бразил, кои се обидуваат да го искоренат насилството на стадионите, односно да го спречат влезот на насилниците на натпреварите.