На избраниците на Жозе Мурињо им беа потребни само шест минути да дојдат до предност, благодарение на погодокот на Кристијано Роналдо.

Гостите во 39. минута останаа со играч помалку по исклучувањето на Доминго Сизма, а бројната предност Реал веднаш ја искористи преку Карим Бензема и зголеми на 2:0.

Во второто полувреме опоравениот Анхел ди Марија влезе во игра и постигна прекрасен гол во 73. минута, а конечниот резултат го постави Бензема во 90. минута.

Ова беше осма победа по ред на кралскиот клуб во шпанското првенство.

Хетафе и Еспањол ги поделија бодовите (1:1). Гостите поведоа во 66. минута преку Алваро Васкез, а четири минути подоцна Мику беше прецизен од белата точка.

Хетафе - Еспањол 1:1
Мику 70'(п) - Васкез 66'

Реал Мадрид - Расинг 4:0
Роналдо 6', Бензема 45', 89', Ди Марија 73'

Севилја - Осасуна 2:0
Медел 16, Троховски 90