По крајно лошите резултати во домашното првенство, Интер ќе се обиде да ја спаси сезоната преку натпреварите од Лигата на шампиони. Интер нема победа на последните пет натпревари, па на тренерот Клаудио Раниери му се заканува отказ и тренерската фотелја ќе си ја задржи само со успех во најелитното европско натпреварување.

Екипата на Олимпик Марсеј исто така има мали проблеми во домашното првенство, но со предноста од домашниот терен тренерот Дидие Дешамп се надева дека ќе се избори за поволен резултат пред реваншот во Милано. Единствен хендикеп за Дешамп е неиграњето на најдобриот стрелец Лоик Рами, а во екипата на Интер ќе недостасува само Рики Алварез.

На вториот вечерашен натпревар, изненадувањето Базел ќе го пречека Баерн Минхен.

Швајцарците немаат пораз уште од ноември, а од Лигата на шампиони го елиминираа и Манчестер Јунајтед. Сепак Баерн Минхен е голем фаворит на овој дуел. Германците секогаш атакуваат на највисокиот пиедестал, а посебен мотив за нив оваа сезона е фактот што финалето на Лигата на шампиони оваа сезона се игра на нивниот стадион во Минхен.

Лига на шампиони, 1/8 финале:

Баер Леверкузен - Барселона 1:3
Олимпик Лион - АПОЕЛ 1:0
Милан - Арсенал 4:0
Зенит - Бенфика 3:2

вторник:
ЦСКА Москва - Реал Мадрид 1:1
Наполи - Челси 3:1

среда:
Марсеј - Интер
Базел - Баерн Минхен