Златан Ибрахимовиќ заработи црвен картон викендов заради удирањето на Ароника за време на натпреварот против Наполи. Тој заработи суспензија од три натпревари, а тоа значи дека ќе ги пропушти натпреварите против Удинезе, Чезена и дербито со Јувентус.

Но и да не беше суспендиран, најверојатно немаше многу да се очекува од него овој месец. Италијанските медиуми изнесоа интересни статистики од кои може да се заклучи дека февруари е баксузен месец за Ибрахимовиќ.

Статистиките на Ибрахимовиќ во февруари:

2007 година - два настапи, еден гол. Половина месец не играше заради повреда

2008 година - три настапи, еден гол. За споредба, во јануари истата година постигна четири гола на три натпревари

2009 година - пет настапи, еден гол. Следниот месец даде пет гола на четири натпревари

2010 година - четири настапи, два гола

2011 година - седум настапи, еден гол. Претходниот месец постигна пет голови на шест натпревари

2012 година - два настапи, нула голови, црвен картон