„Кога Борусија Дортмунд дојде до позиција кога веќе не може да функционира и да ги плаќа своите трошоци, им позајмивме два милиони евра без камата на неколку месеци“, изјави Хенес.

Борусија Дортмунд од 2002-та година падна во финансиска криза која беше решена дури во 2005-та година. Во текот на 2003-та година заради лошото работење на тогашниот претседател, клубот бил на работ на банкрот, но челниците на Баерн Минехн решиле да им помогнат. Тоа го потврди и денешниот претседател на Борусија Дортмунд.

„Да, можам да потврдам дека во тој период навистина позајмивме пари од Баерн“, изјави претседателот на Борусија, Ханс Јоаким Вацке.

Баерн Минхен пред неколку месеци и покрај противењето на навивачите, од банкрот го спаси градскиот ривал Минхен 1860, а финансиски му помогна и на Ст. Паули.