54 години од минхенската несреќа на Јунајтед |
54 години од минхенската несреќа на Јунајтед
На денешен ден во 1958-та година се случи авионската несреќа во Минхен во која загинаа осум фудбалери на Манчестер Јунајтед од славната генерација на „бебињата на Базби“ за кои се предвидуваше дека долги години ќе владеат со англискиот и европскиот фудбал.
| « врати се назад |
Сер Мет Базби ја оформи генерацијата со млади фудбалери на Манчестер Јунајтед кои без проблеми ја освоија англиската лига во 1956-та и 1957-та година и покрај тоа што просечната возраст на фудбалерите беше 21 година. Екипата на Манчестер Јунајтед го доби прекарот „Бебињата на Базби“ и се предвидуваше дека тие ќе годминираат во англискиот и европскиот фудбал во следните години. Се до тој црн 6-ти февруари во 1958-та година.
На враќање од натпреварот за Европскиот Куп во Белград против Црвена Ѕвезда, авионот морал да запре во Минхен за полнење на гориво. По двата неуспешни обиди за полетување, третиот обид се покажал како катастрофален заради снегот на пистата. Од вкупно 44 патници во авионот, загинале 23, а осум од нив биле фудбалери на Манчестер Јунајтед и тројца членови на стручниот штаб.
Минатата година БиБиСи го сними филнот со наслов „Јунајтед“ посветен на една од најголемите фудбалски несреќи.
